من أجمل اللحظات لما أحد يعترف لك بحبه مو ؟
اي ادري اسالني !!! الحب ترا ماكو منه , لانه شعور سامي , ورقيق , وحلو.
في شخص مضبطينه لي - اي شغل ميسس ماتش بينات ربعي افففف لا تسأل - المهم ...
كلمني هالشخص على التليفون ... كلمه مني كلمه منه ... الإعجاب صار متبادل ...
كلمني عالنت , اخذ ثلاث ارباع صوري , شوي ولا يكتبلي سبع سطور جمله " صج احبك "
آنا صدقت !! اي ليش ما اصدق , اهلي ما ربوني على اني اجذب ! وقالولي ان المحبه هدية من الله , لا تضيع اللي يحبك حتى لو ما تحبه !
ومرت الأيام ولا الشخص هذا مع انه اعترف بحبه , الا انه ما يتواصل وياي , وتطلع الأعذار والسوريات والحلفان !!! فلم ... فلم ...
آنا اتضايقت , لان بضغط منه ولما حس اني مو مهتم اعربت بحبي , ما اجذب اول يووم ما حبيت الشخص , ولما قابلته ما اهتميت ضليت ساكت , تحجى عن نفسه وعن انجازاته , ما ادري ما ناقشت الا بالفنون لاني فنان , هذا اهو ...
لما رديت البيت فكرت ... قلت هالشخص شكله صاج , ومن تربيتي السنعه والصحيحه , وكلام الوالده الله يذكرها بالخير " لا تكره من اكرهك وحب من حبك " حبيته ...
ثاني يوم , لا مسج , لا تليفون ....
ثالث يوم , لا مسج , لا تلفيون ...
...
...
سادس يوم :-
سولاي: هلا "X" شلونك ؟ وينك قعدت احاتيك ... ؟
X : والله يا سولاي دوام والله كان عندي هذا و ... - تري لي لي تري لا لا - ....
سولاي: اوكي اوكي , عادي بس كنت احاتيك وجذي اوكي ........
X : مشكور يلا باي !!!
ومرت الايام .... ما قمنا نحاجي بعض ... صار X جنه بيض الصعو , لا اي صعو هذاك تييب طاريه هذا ماكو !!!
جان احاجيه بالماسنجر لما دش ...
سولاي : ليش جذي يا ... انا اسال عنك وانت تقول تحبني ولا تسال عني ؟
X : ما ادري
سولاي : شلون ما تدري قول ؟ رد ليش تحاجيني بالطريقه ؟
X : تبي الصراحه انا احب احد ثاني ... وعرفتك علشان انساه , لكن ما اقدر يلا باي خلاص ...
بذمتكم ؟ مو افعال الجبان هذي ؟ بس المصيبه آنا لي الحين ماد ايدي لهذا الشخص !
لاني ولد اصول وعالم ... مو معناته اهو مو ولد اصول ... لكن اللي يسوي هذا الافعال بصراحه ما يوسى بعيني !
انا حنيت اعرف التفاصيل , وسالت ودورت , وكنت وقتها زعلان , بس لما عرفت من يحب , تنفست الصعداء !!!
طلعت ىنا احسن من كل جهة , ماديا , شكليا , عقليا , واهم شي فكريا !!!
مره ثانيه سلمان يفوز بحكمه يديده , وبباب الله يسكره له , علشان ينفتح الف ...
آنا اثبت لنفسي اني انسان نظيف ... الحمدالله على هالتجربه !
وتدرون اني ما اكره هالشخص الحين !
بالعكس ! ولو اني مسحت رقمه لكن لما يدق برد جنه من اعز الربع ! لان قلبي طيب !!!
انا ولد اوادم !!!
واعرف شلون احب !
مو ؟
