ليش العنف في الكويت شي طبيعي !
ليش ولو احنا بلد مسلم , ورا بيتنا اكو ريال يبيع فودكا وورا بيت رفيجي باحد المناطق الكشخه - كلش كلش - واحد يبيع مخدرات !
ليش اذا انت ما تلبس دولتشي اند غابانا او غوتشي انت مو كشخه ؟
ليش اذا ما عندك ايبود انت من العصر الحجري ؟
ليش اذا ما عندك لابتوب انت متخلف ؟
ليش اذا ما كلت بنينو انت مو ولد ناس اكابر - هي هي ارستقراطيه الكويت كلهم اهناك وييع !! - ؟
ليش اذا ما كان عندم تليفون فيه بلوتوث وكاميرا وام بي ثري وجي بي ار اس سعره 200 كي دي وفوق انت مو متحضر ؟
ليش اذا ما سهرت طول الليل تحاجي وحده وتحلف لها - والله وراس امي ودفنه ابوي " ابووه يشاخر يمه " - انت مو ريال ؟
ليش اذا ما قلت " سفكسفيوز مي اي وند برد بليز " عند مكدونالدز انت هيلقي ؟
ليش نص التعداد السكني في الكويت من الساعه 9 الصبح لي 9 بالليل بستاربكس ؟
ليش كل الكويت تقول انها ساكنه في " قرطبه , الجابريه , بيان , الخالديه , الدعيه , مشرف , واذا خربوها القرين " ؟
ليش آنا ياللي عندي مواهب لا تعد ولا تحصى مو لاقيلي سمر جوب وكل واحد اعرفه حصل اربع ؟
ليش الكويتيين محبطين شعوريا ؟
ليش ... ؟
ليش ... ؟
