شي حلو ان الواحد ما يعرف كل شي !
شي يسرني اني اكون - جاهل - وكوني انسان مثقف اجتماعيا , يثبت تناقض ما اقوله , لكن خلوني اشرح لكم ...
انا ما اعرف بشغلات وايد , يعني , ما افهم بالكره مثلا , ولا بالسيارات , ولا بالرياضه , يعني شغلات الشباب المعتاده مو متعود عليها , انا انسان مفكر , ما عندي مانع اقعد في البيت سنه كامله تدرون ليش ؟
لاني بسيط ! ومو مهتم بالمناضر ولا بالكشخه , ولا بالـــ أنا ! , عرفت واحد من ربعي , لي الحين اعرفه والله , كله آنا سويت و آنا يبت و آنا حطيت و آنا خذت !!!
بعرف هذا ليش مو راضي يفهم , ان الواحد لما يحقق شي , يحققه لروحه , يعني ليش المناضر ؟ حبيبي لما انت تسوي شي لنفسك والله مو لي !
يعني الحين يا شباب لما الواحد يحقق انجاز اهم شي اهو يحس بجماله وقدره مو الناس , شنو الفرق اذا العالم اعترفوا بالشي اللي انت سويته وانت ما تعترف فيه ؟
اوكيه تبي تتفاخر , اتفاخر , بس لا تسوي نفسك انت العملاق واحنا حبات الفاصوليا اللي تحت , لا تنسى ان حبات الفاصوليا اهي اللي صعدك جاك بلاك , وذبح العملاق بالقصه - اذا تعرفونها - المهم , انا ما ابي اطلع وايد من الموضوع بس خنوصل لكم الفكره , ان الواحد لازم يخاي مسافه , بينه وبين نفسه لان الكبر الزايد مو حلو , خل مجالات مجهوله بالنسبه لك , اوكي اتعلم , بس لا تغصب فكرك لا افكار الباجين , لا تكون سيكو ! يا حبيبي العلم حلو , لكن تسوي نفسك فاهم كل شي , هذا غباء , خلك جاهل , علشان باجي العلماء يعطونك اللي عندهم , طبعا محد في الكون الا الله سبحانه وتعالى هو العارف بكل شي , قول اللي بنفس لا تحبسه , تحجى عن كل شي لكن احترم حدود الادب وكياني كإنسان , يعني انت ترا تصغرني في نظر نفسي لما تقول انا سويت هذا وهذا هم بعد هذا لا تنسى هذا , هذا وهذا , وخنتذكر هذا !!!
I'm Not Sorry It's Human Nature
