امس الساعه 12 وشي جذي , مرني واحد من اعز الناس لي , ليبرتي بوي = احمدووووه ! , صرنا ربع بسرعه , اهو نفس طبيعتي , قرقه وشيطان , هواياته قريبه من هواياتي , فيري جوود بوي والله !
علما وصل الى بيتنا وبعد الطريق الجهنمي , وكل خمس دقايق على التلفون علشان ادليه , وانا اساسا ما ادل !
وصل يا حليله بسياره الوالد , وطبعا ابوي استجوبني منو هذا , من وين عرفته , منو ابوه , وين يشتغل , عطني رقم تلفونه وتلفون بيتهم وعنوانهم علشان اجيك اذا صار شي , يعني الحديث المعتاد اللي تتحجى فيه مع ابوك , والسؤال اللي يزعج اكثر - ليش الحين ؟ - لووول واهو صاج الوقت متأخر !!!
المهم طلعنا ونحن نستمتع بالموسيقى الغبيه لبريتني سبيرز اووبس اي فارتيد اغاين ! وذهبنا الى شاطئ البحر , تصدقون 4 ساعات بس نتكلم ! واستانست لو اني رايح اكبر مكان ترفيهي بالعالم ؟
طلع الكلام صج صج صج شي حلو !
ومع انسان طبيعي مو نفس المعقدين اللي اعرفهم بالنت !
اوووله !!!
وناسه !
ولا الميانين اللي وياي بالمدرسه !
المهم بعد مده الحديث في الطريق انعزمت لستاربكس !
وكلنا نعرف اني ما اشتري ولا ارووح استاربكس بعد الحادثه المريره !
- طبعا الا بحاله وحده اذا سطايلش كان وياي لانه اهو مدمن ستاربكس فاذا قلتله مكان ثاني بيكون زعلان طوول الطريج - !
المهم رحنا ستاربكس المطار , وكان وياي الللابتوب عبالي يعني بنقل له اغاني بالايبود ماله !!
لكن كان اهناك كوننيكشون بستاربكس !!!
وناسه !
شفنا اغاني يابانيه مالت هاكورا يوتادا , وكودا كومي , وشفنا جوجو ليطل طوو لايط ! - على فكره ال ط يعني ت - لولييييز !
شفنا مادونا واهي تنصلب بالتور مالتها كلله كله ! مل شي شفناه !
يوتوووب سرييييع !!
صج صج كانت ليله ممتعه , ولو ان عندي نت في البيت , ودايما اقدر ارووح البحر , ودايما اقدر ادق على سطايلش واتكلم , لكن طلعتي ويا ليبرتي كانت غير , يعني اول مره اتكلم مع شخص طبيعي !
يتأثر بالمحيط اللي حواليه , وعنده احساس مو نفس الـــ " بقر " يكرم السامع المنتشرين هاليومين , وعلى فكره للي يقول لا تجمع اقوووله كل واحد يعرف نغسه هل انت بقره ؟ اذا كان لفظ المؤنث اهو ما ازعجك , هل انت ثور ؟
اذا اي خلاص اسكت , اذا لا هم اسكت , واحمد ربك انك مو بقره او ثور !!!!
المهم تسالون ليش انا معصب بآخر الحديث ولو ان دايما حديثي راقي واخرتها قلبت اهني , اقوولكم اني مليت !
مليت الغباء الاجتماعي المنتشر في الكويت !
الى متى !!!! ؟؟؟؟
