خلوني اقول لكم تفاصيل رحلتي الى المدينه الترفيهية !
هذا يا شباب في يوم 18 اغسطس كان عيد ميلاد احد اصدقائي , وما قدرت اروحله في نفس اليوم واسلم عليه واتمناله اعوام كثيره في رحلته , فحسيت بالضيقه , فقلت ايره بدون لا يدري الى المدينه الترفيهيه , ولما يروح يبي يشتري تذكره يقولونله انت الزائر رقم كذا كذا فدخوولك مجاني والخرابيط هذي ....
على فكره ترا يصير وما ياخذون منك تكاليف زياده بس حطو صوره اللي تبون له الموضوع بالاستاند والاداره يزاها الله خير تتكفل انها تقوله هالشي !
المهم يدش فالقاه ىنا فيقولي , وانا اتصرف ببراءه شديده !
ونروح الى احد المطاعم اللي اهو اشتغل فيها سابقا في الصيف قيخلونه يسوي الاكل اللي يبيه حتى لو مو على المنيو !!
هم ما ياخذون عليك وايد , بس سعر الاكل , واليونيفورم !
ويعطونه كيك فروستد - مو بروستد - بمناسبه عيد ميلاده !
وانا الهدية اللي يايبها له , وصديقي الاقرب وانا نغنيله هابي بيرث داي تو انتا !
عبالك ان آنا اجذب مو ؟ اي من حقكم , لان شكلها صعب , بس اتصال اتصالين واستفسار بالاماكن الصحيحه , ودفع مبلغ بسيط جدا بالنسبه لاي هديه تسوي , بحيث بدال ما تشتري عطر , تشتري يوم !
وبعد التخطيط وآنا وصديقي المقرب سطايلش ! والمكان اللي يمكن نسوي فيه هالشي , ومتى , ووين , خلصنا تخطيط بررررفكت !
يعني محد يجك الجذبه !
قلناله يوم عادي وتعال , وما شددنا بس قلنا لازم تيي وفن ووناسه وكوول داي وجذي !
ودقيت آنا قبلها بيووم على ابو بس اسوولف , كنت استفسر اكييد بيي ولا لأ !
قال بيي ! قلت حلو , وكملت الساااالفه !
واليوم لما رحت المكان وأكدت على الاداره , وقالولي كل شي اوكي , دشيت ! وعادي !
ادق عليه ! ما يرد !
مره , هم بعد مره , وهم بعد مره ..................... وعلشان الجمهور بعد مره !
ما رد !
طيب من تلفون ثاني ! ما رد , مسج ما رد !
وقعدت يمكن بو نص ساعه ناطر يدق ما رد !
وراح عليه اليوم المكسين !
بس الكيك كان عجييييب ! اول مره بصراحه احب اني اكل كيك , لان انا ما احب الاكل اللي جذيه مقادير وايد وخرابيط , بس كان موكلت كيك , يعني نفس الجيز كيك بس كاكاو جوكلت !
كلنا آنا ورفيجي العزيز !
وكملنا اليوم , واستانسنا ! وربح سطايلش دب كبير !!!
انا ما ربحت لان لما بغيت اقط الكره عثرت على الستاند , فخسرت , بس شريت تاتو لصق حلو , على يوم اصور واراويكم اياه !
وسويت ابجووره حلووووه ! عليها صورتي ويا سطايلش بس قالي اخذ الدب وعطني الابجوره , فخذاها وانا خذت الدب !
صج صج صج يوم ممتع ! واتمنى استانس جذي مع باجي ربعي !
ولو اني اكره المكان , وكان الجو اي شي !
لكن صج ربعك اذا كانوا موجودين يحلون اي مكان , الصحبه الصج ما تخلى !
وهم زعلت على رفيجي الثاني , لان صج كان بيستانس ويانا ! يعني بلا القعده بالبيت برووحه , وجذي !
المهم يلا روحوا خلوووني اكل الكوكيز اللي اشتريتهم , ويلا باااااااااي !
